काठमाडौँ । हिमालय एयरलाइन्सले काठमाडौँ-ल्हासा उडान सुरू गरेको छ । हिमालय एयरलाइन्सले बिहीबारदेखि ल्हासामा नियमित उडान सुरू गरेको हो ।
काठमाडौँ-ल्हासा उडान उद्घाटन गर्दै पर्यटन मन्त्री सुदन किँरातीले चीन र नेपालको सम्बन्धमा नेपाल ल्हासा सिधा हवाइ उडान दोस्रो सेतुको रूपमा स्थापित भएको बताए ।
उनले भने, ‘सन् १९६५ मा निर्माण सम्पन्न भएको अरनिको राजमार्गले उत्तरतर्फको ढोका खुल्यो र व्यापारको आकार पनि बढ्यो । त्यसैले अरनिको राजमार्गलाई चीनसँगको सम्बन्धको पहिलो सेतु मानिन्छ । अब नेपालबाट तिब्बतमा हुने सोझो हवाइ उडान दोस्रो प्रमुख सेतु हुनेछ ।’
तिब्बतको ल्हासामा प्रति वर्ष लगभग १ करोड पर्यटकहरू घुम्न पुग्छन् । हाल चीनको कोम्निङ, बेइजिङ, साङ्घाई क्विङ्डाओ, चोङ्कुइङ,कोङ्मिङ पछि ल्हासामा समेत गरेर ६ गन्तव्यमा उडान हुन थालेको हो ।
प्रतिक्रिया दिनुहोस्
सम्बन्धित
