काठमाडौं । बागलुङबाट पोखरा आउँदै गरेको जिप बाढीले बगाएको छ ।
शनिबार साँझ ७ बजेतिर पर्वतको कुश्मा नगरपालिका–७ मा तमादी खोलाको बाढीले यात्रुवाहक जिपसहित तीन जना यात्रु बगाएको हो ।
बागलुङबाट छुटेको ग १ च ६२१३ नम्बरको जिपमा एक जना यात्रु बागलुङबाटै आएका थिए । बाँकी दुई जना बाटोबाट चढेका थिए । चालकलाई प्रहरीले उद्धार गरी नियन्त्रणमा राखेको छ ।
चालकले दिएको प्रारम्भिक सूचनाअनुसार जिप खोलामा फसेको थियो। जिप फसेपछि चालक झरेर टायरमा ओट लगाउन खोज्दा बाढीले जिप बगाएको हो । त्यति बेलासम्म यात्रु जिपमै रहेको उनले बताएका छन्। अहिले सवार यात्रुको खोजीकार्य जारी छ।
जिप भने केही समयअघि तमादी खोला र मोदी खोलाको दोभानमा भेटिएको छ ।
प्रतिक्रिया दिनुहोस्
सम्बन्धित
