जनकपुरधाम । नेकपा एमालेका उपाध्यक्ष विष्णु पौडेललाई २ सय किलोको मालाले स्वागत गरिएको छ ।

जनकपुरधाम विमानस्थलमा एमाले नेता तथा कार्यकर्ताहरूले पौडेललाई २ सय किलोको फूलको मालाले स्वागत गरेका हुन् ।

जनकपुरधाम उपमहानगर कमिटीले तयार गरिएको उक्त माला एमाले अध्यक्ष केपी शर्मा ओलीका लागि तयार गरिए पनि ओली नआएपछि पौडेललाई नै लगाइएको हो ।

आइतवार धनुषाको क्षिरेश्वरनाथ नगरपालिकास्थित महेन्द्रनगरमा जारी प्रथम मदन भण्डारी कप राष्ट्रिय महिला हक्की प्रतियोगिताको समापनको लागि केपी ओली जाने कार्यक्रम तय भएको थियो । तर, केपी ओली कार्यक्रममा अनुपस्थित भएपछि उपाध्यक्ष पौडेललाई नै सो मालाले स्वागत गरिएको हो ।