काठमाडौँ । हङकङमा जारी मैत्रीपूर्ण टी-२० क्रिकेटमा नेपालले दोस्रो विकेट गुमाएको छ ।
शनिबार जारी खेलमा हङकङले नेपाललाई २१३ रनको लक्ष्य दिएको हो । उक्त लक्ष्य पछ्याउने क्रममा नेपालले दोस्रो विकेट गुमाएको हो ।
विनोद भण्डारीले २२ बलमा ४२ रन बनाएर आउट भए । उनले चार चौका र तीन छक्का प्रहार गरेका छन् । नसरूल्ला रानाले उनलाई आउट गरेका हुन् । ओपनर कुशल भुर्तेल ४ बलमा दुई रन बनाएर आउट भएका हुन् ।
निर्धारित २० ओभरको खेलमा हङकङले ६ विकेट गुमाएर २१२ रन बनाएको हो। अन्तिम ओभरमा डेब्यु गरेका खेलाडी आकाश चन्दले दुई विकेट लिए ।
उनले ११० रन बनाएका बाबर हायातलाई र यासिम मुर्ताजालाई आउट गरेका हुन् । बाबरले ४९ बलमा १३ छक्का र तीन चौका प्रहार गरेका थिए। यासिम शून्यमै आउट भएका थिए ।
त्यसअघि राशिद खानले १४औं ओभरमा जेमी एत्किन्सनको विकेट लिएका हुन्। खानले उनलाई एलबिडब्ल्युमा आउट गरेका हुन्। एत्किन्सन शून्यमा आउट भए । प्रतिश जिसीले १३ औं ओभरमा अन्शी राथ आउट गरेका गरेका थिए। उनलाई गुलशन झाले क्याच आउट गरेका थिए । राथले ३९ रन बनाएका थिए ।
त्यसअघि पाँचौं ओभरमा डेब्यु गरेका आकाश चन्दले मार्टिन कोइत्जीको विकेट लिएका थिए। उनी ३१ रन बनाएर आउट भए । आरिफ शेखले तेस्रो ओभरमा निजाकत खानलाई शून्य रनमा आउट गरेका थिए ।
त्रिकोणात्मक सिरिज खेल्न नेपाली टोली बिहीबार हङकङ गएको थियो ।
