काठमाडौँ । रारा विमानस्थलमा उड्न लागेको विमानले ठक्कर दिँदा एक जना घाइते भएका छन् ।
बिहीबार नेपालगन्जका लागि उड्न लागेको सीता एयरको टुइनेटर विमानको अघिल्लो भागले ठक्कर दिँदा सोही विमानका मुगु स्टेसन प्रमुख धीरेन्द्र भाम गम्भीर घाइते भएका हुन् ।
भाम विमानका चालकलाई विमान उडान गर्न संकेत गरिरहेका थिए । विमान बिस्तारै गुड्दै थियो । सोही बेला चालकले बोलाएपछि विमानतर्फ जाँदै गर्दा विमानको अघिल्लो भागले उनलाई ठक्कर दिएको थियो ।
घाइते भएपछि अचेत अवस्थामा रहेका भामलाई सोही एयरको विमानमार्फत उपचारका लागि नेपालगन्ज लगिएको छ ।
प्रतिक्रिया दिनुहोस्
सम्बन्धित
