काठमाडौँ । बुद्ध एयरले आफ्नो ‘एटिआर ४२ नाइन एन-एआइन’ जहाज बिदाइ गरेको छ ।
बुद्दले १६ वर्षदेखि उडाइरहेको उक्त बिमानले जहाज ७० हजार उडान साइकल पूरा गरेपछि मंगलबार बिदाई गरेको हो ।
१६ वर्षको अवधिमा यो जहाजले ४४ हजार ४७७ पटक उडान गरेको छ भने १८ लाख यात्रुलाइ सेवा दिएको छ ।
सन् २००८ सेप्टेम्बर १७ मा माउन्टेन फ्लाइटमार्फत उक्त जहाजले व्यावसायिक उडान थालेको थियो । नेपालमा यो जहाजको अन्तिम उडान पनि माउन्टेन उडान नै भएको छ ।
नाइन एन-एआइएनले आज मंगलबार काठमाडौँबाट अन्तिम माउन्टेन फ्लाइट गरेको छ । माउन्टेन उडानमा एटिआर कम्पनीका प्रतिनिधिहरू र केही गेस्टसमेत रहेका थिए ।
यो जहाजले नेपाल आउनुभन्दा अगाडि ३० हजार साइकल उडान गरेको थियो ।
प्रतिक्रिया दिनुहोस्
सम्बन्धित
