बन्दीपुर । तनहुँको बन्दीपुर गाउँपालिकामा निःशुल्क स्वास्थ्य परीक्षण शिविर सञ्चालन हुने भएको छ ।
बियोन बोर्डर्स तथा युनिभर्सिटी अफ तस्मानियाको प्राविधिक सहयोग र बन्दीपुर गाउँपालिका तनहुँको संयुक्त आयोजनामा निःशुल्क विद्यालय स्तरीय स्वास्थ्य परीक्षण शिविर सञ्चालन हुने भएको हो ।
शिविरमा बालरोग विशेषज्ञद्वारा बालबालिकाहरूको स्वास्थ्य परीक्षण दन्तरोग विशेषज्ञहरूद्वारा बालबालिकाहरूको दन्त परीक्षण, स्त्री तथा प्रसुति रोग विशेषज्ञद्वारा महिलाहरूमा हुने पाठेघर सम्बन्धी स्वास्थ्य परीक्षण हुनेछ ।
शिविर यही मङ्सिर ४, ५ र ६ गते हुनेछ । मङ्सिर ४ गते बन्दीपुर गाउँपालिकाको वडा नम्बर ३ स्थित सेराटारमा, मङ्सिर ५ गते बन्दीपुर गाउँपालिका वडा नम्बर ६ स्थितधरमपानी स्वास्थ्य चौकीमा र मङ्सिर ६ गते बन्दीपुर गाउँपालिका वडा नम्बर ४ स्थित बन्दीपुर अस्पतालमा हुनेछ ।
प्रतिक्रिया दिनुहोस्
सम्बन्धित
