काठमाडौँ । चितवनको सौराहामा भ्रमणमा आएका विदेशी पर्यटकले रमाइलो गर्दै दशैँ मनाएका छन् ।
हिन्दुहरूको विशेष चाड बडा दशैँमा नेपाली संस्कृतिको बारेमा बुझ्दै विदेशी पर्यटकले सौराहाको होटेल सपना भिलेजमा टीका र जमरा थाप्दै दशैँ मनाएका हुन् ।
सौराहामा दशैँसँगै पछिल्लो तीन दिनयता तेस्रो मुलुकका पर्यटकको सङ्ख्या ४० प्रतिशत, भारतीय २० प्रतिशत र १० प्रतिशत चिनियाँ पर्यटक रहेका छन् ।
पर्यटकलाई यहाँका वन्यजन्तु, बाघ, गैँडा, हिमाल र पहाडले मात्र तान्दैन, दशैँ, तिहारलगायत चाडबाडले पनि आकर्षित गर्ने गरेका छन् । विदेशीलाई दशैँको माहोल विशेष लाग्ने गर्छ। जमरा, टीका र चङ्गा चेटमा उनीहरू रमाउने गरेका छन् ।
नाकाबन्दी, नारायणगढ–मुग्लिङ सडक र कोरोनाका कारण प्रायः विदेशी पर्यटकको सुनसान हुने सौराहामा यति बेला विदेशी पर्यटकको घुइँचो लागेको छ ।
प्रतिक्रिया दिनुहोस्
सम्बन्धित
