काठमाडौँ । मार्च महिनामा १ लाख २१ हजार पर्यटक नेपाल भित्रिएका छन् ।
सन् २०२५ को मार्च महिनामा १ लाख २१ हजार ६ सय ८७ पर्यटक नेपाल भित्रिएका हुन् । यो २०२४ को तुलनामा ५.१ प्रतिशत कम हो ।
नेपाल पर्यटन बोर्डले सन् २०२४ को मार्चको तुलनामा २०२५ को मार्च महिनामा पर्यटक आगमनको संख्या कम देखिएको जनाएको छन् ।
सन् २०२४ को मार्च महिनामा १ लाख २८ हजार १ सय ६७ पर्यटक नेपाल भ्रमणमा आएका थिए ।
मार्च महिनामा नेपालमा भित्रिएका सबैभन्दा धेरै पर्यटक भारत आएका छन् ।
भारतबाट सबैभन्दा धेरै २१ हजार चार सय ४१ पर्यटक मार्च महिनामा नेपाल भ्रमण गर्न आएका छन् ।
त्यस्तै, चीनबाट ११ हजार ४ सय ४३ पर्यटक नेपाल भित्रिएका छन् ।
यसैगरी, अमेरिकाबाट ११ हजार ९२ र श्रीलंकाबाट ८ हजार ८ सय ८६, बेलायतबाट ५ हजार ९ सय ९५ जना पर्यटक नेपाल भित्रिएका छन् ।
प्रतिक्रिया दिनुहोस्
सम्बन्धित
