काठमाडौँ । ताप्लेजुङमा पुनः हवाई उडान सुरु भएको छ ।
करिब चार महिनापछि हवाई उडान सुरु पुनः सुरु भएको हो । नेपाल वायु सेवा निगमको जहाजले आएतबारबाट काठमाडौँ–ताप्लेजुङ–काठमाडौँ उडान सुरु गरेको हो ।
आज निगमको जहाजले काठमाडौँबाट पाँच जना यात्रु लिएर ताप्लेजुङ गएको हो भने, ताप्लेजुङबाट चार जना पुरुष दुुइ जना महिला लिएर काठमाडौँ प्रस्थान गरेको छ ।
गत चैत १६ गते शनिबारदेखि उडान गर्न जहाज आए पनि अवतरण हुन नसकेपछि जहाज पुनः काठमाडौँ नै फर्किएको थियो । जसका कारण १० जना यात्रु लिएर आएको जहाज भिजिबिलिटी कम भएकोले अवतरण हुन सकेको थिएन ।
उडान बन्द हुँदा ताप्लेजुङका यात्रुहरुलाई उपचारका लागि काठमाडौँबाट जान कठिनाइ भइरहेको थियो ।
निगमको दुई वटा जहाज ग्राउण्डेड हुुँदा चार महिनादेखि हवाई उडान ठप्प भएको थियो ।
अहिले सातामा एक दिनमा र वैशाखपछि उडान थप गरिने तयारी भएको छ । गत मङ्सिर २८ गतेदेखि ताप्लेजुङको सुकेटार विमास्थलमा बन्द भएको थियो ।
