काठमाडौँ । काठमाडौँबाट सुर्खेत जाँदै गरेको बसमा आगलागी भएकाे छ ।
ना ७ ख ६०४८ नम्बरको बस हुलाकी सडक खण्डअन्तर्गत तौलिहवा–भैरहवा हुँदै जान लागेकाे बस टिटिहिरियामा बिहीबार (आज) बिहान करिब ४ बजे तिर आगलागी हुँदा जलेर पुर्ण रुपमा नष्ट भएको हाे ।
गुडिरहेको अवस्थामा बसको बायाँ चक्कामा अचानक आगाे लाग्न सुरु भएको थियो । त्यसपछि बसलाई सडक छेउमा राेकेर यात्रुहरुलाई ओरालिएकाे थियाे ।
बसमा सवार ४४ जना यात्रु भने सकुशल रहेका छन् । बस जलेर पुर्णरुपमा नष्ट हुँदा यात्रुहरूको बसमा रहेका केही सामग्रीसमेत जलेर नष्ट भएका छन् ।
स्थानीय, प्रहरी र कपिलवस्तु नगरपालिकाबाट गएको दमकलले आगो निभाउन प्रयास गरे पनि बस आधा घण्टामै पूर्ण रूपमा जलेर नष्ट भएको छ ।
घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस्
सम्बन्धित
