काठमाडौँ । उपप्रधान एवं गृहमन्त्री नारायणकाजी श्रेष्ठले भूकम्प प्रभावितको उद्धार र राहतका लागि राहत व्यवस्थापन कोषबाट ५र५ करोड तत्काल पठाउने निर्णय भएको बताएका छन् ।

शनिवार गृह मन्त्रालयमा बसेको सम्बन्धित सरोकारवालासहितको बैठकले सो निर्णय गरेको हो । सरकारले घाइतेहरूलाई शीघ्र उपचार गर्ने क्रमलाई उच्च प्राथमिकतामा राखेको छ ।

घाइतेलाई स्थानीय अस्पताल, सुर्खेत र नेपालगन्जमा उपचारका लागि पठाइएको छ । सुर्खेतलाई मूल बेस र सहायक बेस नेपालगन्जलाई बनाएर राहत वितरण कार्य एक द्वार प्रणालीमा अघि बढाएको छ ।