काठमाडौँ । हिमालय एयरलाइन्सले काठमाडौँ-हाङझाउ-काठमाडौँ रुटमा सिधा नियमित उडान सुरु गरेको छ ।
त्रिभुवन अन्तर्राष्ट्रिय विमानस्थल र चीनको हाङझाउ सियाओसान अन्तर्राष्ट्रिय विमानस्थलबीच सेप्टेम्बर ३०, २०२६ देखि एयरलाइन्सले
नियमित उडान भर्न थालेको हो ।
कम्पनीका अनुसार उद्घाटन उडान एच९-२२५ चीनको स्थानीय समयअनुसार अक्टोबर १ को बिहान १:०८ बजे हाङझाउ ५:३७ बजे काठमाडौँबाट हाङझाउका लागि उडेको थियो ।
त्यसैगरी, हाङझाउ–काठमाडौँतर्फको एच९-२२६ उडान अक्टोबर १ मा चीनको स्थानीय समयअनुसार बिहान ३:१८ बजे उडेर नेपाल समयअनुसार बिहान ६:२८ बजे काठमाडौँ अवतरण गरेको थियो ।
उक्त उडानमार्फत १५४ जना चिनियाँ पर्यटक नेपाल आएको एयरलाइन्सले जनाएको छ।
काठमाडौँबाट हाङझाउका लागि प्रत्येक आइतबार र बुधबार उडान हुनेछ भने हाङझाउबाट काठमाडौँका लागि सोमबार र बिहीबार उडान सञ्चालन हुनेछ ।
कम्पनीले दीर्घकालमा चीनका १० प्रमुख पर्यटन तथा आर्थिक केन्द्रसँग सिधा हवाई सेवा विस्तार गर्दै १० लाख चिनियाँ पर्यटक नेपाल भित्र्याउने लक्ष्य राखेको जनाएको छ ।
