काठमाडौँ । संस्कृति पर्यटन तथा नागरिक उड्डयन मन्त्रालयले जाजरकोट भूकम्प पीडितलाई सहयोग जुटाएको छ ।
मन्त्रालयले प्रधानमन्त्री राहत कोषमा ४ करोड १३ लाख ९८ हजार ९ सय ८८ रुपैयाँ जम्मा गरेको हो ।
मन्त्रालय अन्तर्गतका विभिन्न निकायबाट जम्मा भएको रकम बुधवार पर्यटन मन्त्री सुदन किरातीले प्रधानमन्त्री पुष्पकमल दाहाल ‘प्रचण्ड’ लाई हस्तान्तरण गरेका हुन् ।
मन्त्रालयअन्तर्गत रकम जम्मा गर्नेहरूमा नागरिक उड्डयन प्राधिकरणको १ करोड, नेपाल वायुसेवा निगमको २५ लाख, पर्यटन बोर्ड ५० लाख र पशुपति क्षेत्र विकास कोषको २१ लाख रहेको छ ।
प्रतिक्रिया दिनुहोस्
सम्बन्धित
