काठमाडौँ । बुद्ध एयरले १७ औँ एटीआर विमानको व्यावसायिक उडान सुरु गरेको छ । काठमाडौँ-तुम्लिङटार रुटमा आइतबार विमानले पहिलो व्यावसायिक उडान सुरु गरेको हो ।
उक्त उडानमा ५९ यात्री सवार थिए । बुद्धले गएको अक्टोबर २७ मा नयाँ एटीआर विमान भित्र्याएको थियो ।
विमान भित्र्याइएको करिब डेढ महिनापछि रङरोगन र आवश्यक सबै प्रक्रिया पूरा गरेर व्यावसायिक उडान सुरु गरिएको हो ।
बुद्ध एयरले हाल १४ वटा एटीआर–७२ र तीन एटीआर–४२–३२० विमानमार्फत उडान भर्दै आएको छ ।
बुद्धले आन्तरिकतर्फ दैनिक १५० भन्दा बढी उडान गरिरहेको छ । अन्तर्राष्ट्रियतर्फ काठमाडौंबाट भारतको वनारसमा उडान भरिरहेको कम्पनीले जनाएको छ ।
प्रतिक्रिया दिनुहोस्
सम्बन्धित
