काठमाडौँ । बन्दीपुर गाउँपालिकामा कोसेली घर सञ्चालनमा आएको छ ।
स्थानीय उत्पादन बिक्री गर्न गाउँपालिकाको सहयोगमा बन्दीपुर परिश्रमी युवा समूहले बन्दीपुर बजारमा कोसेली घर सञ्चालनमा ल्याएका हुन् ।
कोसेली घरको सोमबार उद्घाटन गरिएको छ । उक्त उद्घाटन कार्यक्रममा बोल्दै गाउँपालिका अध्यक्ष सुरेन्द्र बहादुर थापाले बन्दीपुर गाउँपालिका भित्र उत्पादन हुने वस्तुहरूको प्रयोगलाई प्रोत्साहित गर्नु पर्ने बताएका छन् ।
त्यस्तै गाउँघरमा नै बनेका दैनिक प्रयोगमा आउने वस्तुहरूको बजारीकरण गरी उद्यमशीलता वृद्धि गर्ने उद्देश्यले कोसेली घर सञ्चालन गरिएको गाउँपालिका उपाध्यक्ष पंचमायाँ गुरुङले बताइन ।
कोसेली घरमा कृषकहरूले उत्पादन गरेका मस्यौरा, बेसार, मास, मकै मस्याङ, तरुल, अदुवा, पिँडालु, अचार, लगायतका खाद्य सामाग्री राखिएका छन् ।
प्रतिक्रिया दिनुहोस्
सम्बन्धित
