काठमाडौँ । नेपाल वायुसेवा निगम (नेपाल एयरलाइन्स)को आम्दानी वृद्धि भएको छ ।
महालेखा परीक्षकको लेखा परीक्षण प्रतिवेदन अनुसार निगमको आम्दानी गत तिन वर्षमा दोब्बर भन्दा बढिले वृद्धि भएको हो ।
निगमले विज्ञप्ति जारी गर्दै भनेकाे छ, ‘निगमको व्यवस्थापन वर्तमान नेतृत्वले सम्हाले पश्चात् उपलब्ध भएका जहाज तथा साधन स्रोतको उचित उपयोग गरेर यो उपलब्धि हासिल गर्न सफल भएको र निगम बिस्तारै प्रगति उन्मुख भएर अगाडि बढेको पुष्टि गर्दछ । हालको बजार माग सम्बोधन गर्न र प्रतिस्पर्धात्मक ढङ्गले बजारीकरण गरी अझै धेरै आम्दानी गर्नको लागि निगमलाई पर्याप्त मात्रामा जहाजको कमी रहेकोले यस तर्फ आवश्यक कार्य योजना बनाई अगाडि बढ्ने कार्य भइरहेको छ ।’
निगमको कुल आम्दानी आ.व २०७७/७८ मा ९ अर्ब १० करोड ९७ लाख ३१ हजार ८४५, ०७८/७९ मा १६ अर्ब ४६ करोड ३२ लाख ६० हजार ३३३, ०७९/८० को प्रारम्भिक कुल आम्दानी २२ अर्ब २४ करोड १९ लाख ७८ हजार रहेको निगमले जनाएको छ । निगमको आम्दानी ३ वर्षमा १४४ प्रतिशतले वृद्धि भएको छ ।
विगत ८ वर्षदेखि निगमसँग आन्तरिक तर्फ २ वटा र अन्तर्राष्ट्रिय तर्फ ४ वटा जहाज रहेका छन् ।
