काठमाडौँ । भौतिक पूर्वाधार तथा यातायात मन्त्री प्रकाश ज्वालाको गाडीमा केही युवाहरूले आगजनी गरेका छन् ।
शुक्रवार दिउँसो ललितपुरको बालकुमारीमा रोजगार अनुमति प्रणाली (ईपीएस) परीक्षाको विषयलाई लिएर प्रदर्शनमा उत्रिएका युवाहरूले मन्त्री ज्वालाको गाडीमा आगजनी गरेका हुन् ।
उनीहरूले मन्त्री ज्वालाको बा२झ५८६१ नम्बरको गाडीमा आगजनी गरेका हुन् । मन्त्री र पीएसओलाई गाडीबाट बाहिर निकालेर प्रदर्शनकारीले गाडीमा आगो झोसेका थिए ।
ग्वार्कोस्थित इपिएस कार्यालयमा युवाहरू बिहानदेखि भेला भएर आन्दोलन गरिरहेका थिए । प्रहरीले मन्त्री ज्वालाको गाडीमा आगजनी गरेको आरोपमा १७ जनालाई पक्राउ गरेको छ ।
उक्त आन्दोलनको प्रदर्शनले उग्ररुप लिएपछि प्रहरीले गोली चलाउँदा एक जनाको मृत्यु भएको छ । गोली लागेर मृत्यु हुने दैलेखको महाबु गाउँपालिका–६ का २३ वर्षीय सुजन राउत रहेका छन्। अर्का एक जना गम्भीर घाइते छन् ।
अहिले बालकुमारी क्षेत्र तनावग्रस्त छ ।
