काठमाडौँ । प्रधानमन्त्री पुष्पकमल दाहाल ‘प्रचण्ड’ले मूल्य वृद्धि फिर्ता लिन निर्देशन दिएका छन् ।
हिजो नेपाल आयल निगमले मूल्य वृद्धि गरेको सूचना जारी गरेको थियो । निगमले दशैको मुखमा मूल्य वृद्धि गरेको भन्दै चौतर्फी रूपमा आलोचना भइरहेको थियो ।
आज प्रधानमन्त्री प्रचण्डसहितका राजनीतिक दलहरू बैठक बसेर प्रधानमन्त्रीले मूल्य वृद्धि फिर्ता गर्न निर्देशन दिएका थिए ।
प्रधानमन्त्रीको निर्देशन पश्चात् आइतबार राति १२ बजेदेखि लागु हुने गरी वृद्धि गरिएको मूल्य घटाइएको निगमले जनाएको छ ।
निगमले आइतबार जारी गरेको सूचनामा भनिएको छ, ‘प्रधानमन्त्री प्रचण्डबाट निर्देशन भए बमोजिम स्वचालित मूल्य प्रणाली यथावत् हुन गरी हाल भएको मूल्य वृद्धिलाई मूल्य स्थिर करण कोष र नेपाल सरकारबाट प्राप्त हुने रकमबाट समायोजन गर्ने गरी मूल्य वृद्धि आइतबार राति १२ बजेदेखि लागु हुने गरी फिर्ता गरिएको छ ।’
शनिवार राति १२ बाट लागु हुने गरी आयल निगमले सबै प्रकारका पेट्रोलियम पदार्थको मूल्य वृद्धि गरेको थियो ।
हेर्नुहोस् यस्तो छ निगमले जारी गरेको विज्ञप्ति :
