मलेखु । धादिङको गजुरी गाउँपालिका–५ घाटबेँसीमा बस दुर्घटनामा भएकाे छ । बुधबार बिहान रुपन्देहीबाट काठमाडौँतिर आउँदै गरेको लु २ ख २१२१ नम्बरकाे बस बिहान ४:४१ बजे सडकबाट करिब १०० मिटर तल त्रिशूलीमा खसेको हो । दुर्घटनामा सात जनाको घटनास्थलमै मृत्यु भएको छ ।
दुर्घटनामा ३० जनाभन्दा बढी घाइते भएका छन् भने ३८ जनाको उद्धार गरिएको छ । घटनास्थलमा नेपाल प्रहरी, सशस्त्र प्रहरी, नेपाली सेना तथा स्थानीय उद्धारमा खटिरहेका छन् ।
सशस्त्र प्रहरी, विपद् व्यवस्थापन तालिम शिक्षालय कुरिनटार चितवनको टोली पनि उद्धारमा पुगेको छ ।
बस चालक रुपन्देही लुम्बिनी संस्कृति नगरपालिका–९ का ३८ वर्षीय हरिराम हरिजनलाई प्रहरीले नियन्त्रणमा लिएको छ । मृतकको सनाखत हुन बाँकी छ ।
प्रतिक्रिया दिनुहोस्
सम्बन्धित
