काठमाडौँ । काठमाडौँबाट साउदी अरबको दमामका लागि उडेको नेपाल एयरलाइन्सको जहाज बीच बाटोबाटै काठमाडौँ फर्किएको छ ।
बुधवार राति त्रिभुवन अन्तर्राष्ट्रिय विमानस्थलबाट उडेको आरए ४१२ नम्बरको जहाज आसपास केही खतरा भए त्यसको संकेत दिने प्रविधि (टिकास) मा खराबी देखिएपछि करिब एक घण्टापछि काठमाडौँ फर्किएको हो ।
विमानस्थल कार्यालय स्रोतका अनुसार उक्त जहाज पाकिस्तान नजिकको आकाशबाट फर्किएर बुधवार राति करिब सवा ११ बजे काठमाडौँमा अवतरण गरेको थियो ।
उक्त जहाजको प्राविधिक परीक्षणको काम जारी छ । यात्रुहरूका लागि भने वैकल्पिक जहाजको व्यवस्था गरिएको छ ।
प्रतिक्रिया दिनुहोस्
सम्बन्धित
