काठमाडौँ । काठमाडौँ आउँदै गरेको बस दुर्घटना भएको छ । रुकुम पश्चिमबाट मध्य पहाडी लोकमार्ग हुँदै काठमाडौँ आउँदै गरेको बागमती प्रदेश ०१-००६ ख ३८७९ नम्बरको रात्रिबस बागलुङमा दुर्घटना भएको हो ।
उक्त दुर्घटनामा ७ जनाको मृत्यु भएको छ भने ३० जना घाइते भएका छन् । बस सोमबार (आज) साँझ ६ बजे बागलुङको निसीखोला गाउँपालिका- ६ जाउलेपानीमा दुर्घटना भएको हो । बसमा कति जना थिए भन्ने पनि यकिन भइसकेको छैन ।
बस सडक देखी अन्दाजी १५० मिटर तल खसेको छ । घाइतेहरूको अहिले उद्धार कार्य जारी छ । हाल सम्म ७ जना घाइतेहरूलाई उपचारको लागि प्राथमिक स्वास्थ्य केन्द्र बुर्तिबाङ पठाइएको छ ।
घटनास्थलमा नेपाल प्रहरी, सशस्त्र प्रहरी र नेपाली सेनाको टोली खटिएको छ ।
प्रतिक्रिया दिनुहोस्
सम्बन्धित
