काठमाडौँ । श्री एयरलाइन्सले दुई वटा जहाज थप गरेको छ ।
मंगलबार क्यानडाको ‘बम्बार्डियर हाल डी हाभिलैन्ड अफ क्यानडा’ निर्मित कल साइन नाइन एन-एओके र नाइन एन-एओएल जहाज कम्पनीले थप गरेको हो । उक्त जहाज ८० सिट क्षमताका हुन् ।
उक्त जहाज संयुक्त राज्य अमेरिकाको अरेगन राज्यको पोर्टलैन्डबाट डुलुथ, क्यानडाको गुजबे, आइसल्यान्डको केफलामिक, जर्मनीको म्युनिक, इजिप्टको काइरो, दुबई र भारतको इन्दौर हुँदै काठमाडौँस्थित त्रिभुवन अन्तर्राष्ट्रिय विमानस्थलमा ल्याइएको हो ।
यी जहाजमा जडित इन्जिन सोही प्रकारका अन्य जहाजहरू भन्दा दोब्बर शक्तिशाली भएको एयरलाइन्सले जनाएको छ ।
उक्त जहाजहरू श्री एयरलाइन्सका पाइलटहरूले नै नेपालमा ल्याएका थिए ।
प्रतिक्रिया दिनुहोस्
सम्बन्धित
