काठमाडौँ । दुई पाङ्ग्रे क्वीन्सको आयोजनामा ‘मोटोगर्ल्स टु द रिङरोड’ सम्पन्न भएको छ ।
हिजो शनिबार नेपाल पर्यटन बोर्डबाट सुरु भएको राइड चक्रपथ परिक्रमा गरेर सोरखुट्टेस्थित सेभेन ह्विलर्स रेस्ट्रोमा पुगेर सकिएको हो ।
१८ औँ इन्टरनेशनल फिमेल राइड डे को अवसर पारेर संस्कृतको संरक्षण र पर्यटन प्रवद्र्धन गर्ने नारासहित मोटोगर्ल्स टु रिङरोड राइड आयोजना गरिएको थियो ।
नेपाल पर्वतारोहण संघका महासचिव मोहन लम्साल र पर्यटन बोर्डकी म्यानेजर श्रदा श्रेष्ठले फ्ल्याग अफ गरेर राइड उद्घाटन गरेका थिए ।
राइडमा प्रोफेसनल राइडर देखि नर्स, खेलाडी, कलाकार लगायत विभिन्न पेशामा आवद्द लेडी राइडरहरु उपस्थिती थिए ।
अठोट नेपाल सहआयोजकको रुपमा रहेको कार्यक्रममा नेपाल पर्यटन बोर्ड, एका कुम्बुचा, सेभेन ह्विलर्स रेस्ट्रो र प्युयोर एजुकेसन सोलुसन सहयोगी थिए ।
अठोट नेपालका प्रमुख देवेन्द्र शाही ठकुरीले आफूले सोचेको भन्दा राम्रो कार्यक्रम भएको भन्दै लेडी राइडरहरुको प्रशंसा गरे । उनले भने, ‘सुरुमा कति जना आउनुहोला भनेर कौतुहलता थियो । धेरै संख्यामा आउनुभयो । राइडरहरु सारी लगाएर चक्रपथमा राइड गर्दा एकदमै राम्रो देखियो ।’
अटोट नेपाल पर्यटन, संस्कृति, शिक्षा र स्वास्थय जस्ता क्षेत्रमा काम गरिरहेको र दुई पाङ्ग्रे क्विन्ससँग मिलेर आगामी दिनमा पनि यस्ता कार्यक्रमलाई निरन्तरता दिने अठोट नेपालका प्रमुख ठकुरीले बताए ।
गत वर्ष ‘मोटोगर्ल्स टु सिन्धुलीगढी’ राइड कार्यक्रम आयोजना गरिएको र यो त्यसैको निरन्तरता भएको दुईपाङ्ग्रे क्विन्सकी प्रमुख तुलसा पहाडीले बताइन् ।
दुई पाङ्ग्रे क्विन्स गत वर्ष स्थापना भएको थियो ।
तस्वीर : दुई पाङ्ग्रे क्वीन्स/ उकेश लखाजु
