काठमाडौँ । नेपाल आयल निगमले पेट्रोल, डिजेल र मट्टितेलको मूल्य बढाएको छ ।
सोमबार (आज) बसेको आयल निगम सञ्चालक समितिको बैठकले पेट्रोलमा प्रतिलिटर ४ रुपैयाँ र डिजेल तथा मट्टितेलमा प्रतिलिटर ३ रुपैयाँ बढाएको हो ।
सो मूल्य सोमबार राति १२ बजेदेखि कार्यान्वयन हुनेछ । पेट्रोलको मूल्य सुर्खेत र दाङमा १७० र काठमाडौँ, पोखरा र दिपायलमा प्रतिलिटर १७१ पुगेको छ ।
त्यस्तै चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्ज वरपर प्रतिलिटर १६८ पुगेको छ ।
डिजेल र मट्टितेलको मूल्य सुर्खेत र दाङ वरपर १५९ र काठमाडौँ, पोखरा र दिपायल वरपर प्रतिलिटर १६० पुगेको छ ।
त्यस्तै चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्ज वरपर प्रतिलिटर १५७ पुगेको छ ।
प्रतिक्रिया दिनुहोस्
सम्बन्धित
