काठमाडौँ । सांस्कृतिक,पर्यटन तथा नागरिक उड्डयन मन्त्री सुदन किराँती र व्यवसायीबिच आन्तरिक उडानमा हवाई भाडा दर घटाउँदै लैजाने सहमति भएको छ ।
सोमबार मन्त्री किराँती र व्यवसायीबिच यस्तो सहमति भएको हो ।
चाडबाड सुरु भएर टिकटको माग बढेपछि आन्तरिक हवाई टिकटको मूल्य साबिक भन्दा माथि जान्छ । दशैंको बेला सस्तो टिकट नपाएपछि यात्रुहरूले भाडा बढेको गुनासो गर्ने गरेका छन् ।
पछिल्लो केही दिनयता यस्तै गुनासो सामाजिक सञ्जाल तथा सञ्चारमाध्यममा बढेसँगै सोमबार मन्त्री किराँतीले हवाई व्यवसायीसँग छलफल गरेका थिए ।
बैठकमा मन्त्री किरातीले चाडपर्वको अवसरमा जनस्तरबाट आएको गुनासो सम्बोधन गरी यात्रुलाई सुरक्षित, भरपर्दो, प्रभावकारी र सुलभ हवाई यातायातको प्रत्याभूति दिलाउनेतर्फ वायुसेवा संस्थाहरू केन्द्रित रहन निर्देशन दिए ।
प्रतिक्रिया दिनुहोस्
सम्बन्धित
