काठमाडौँ । आन्तरिक उडानतर्फ स्थगन भएका ७ वटा ठाउँहरूमा केही दिनभित्रै उडान पुनः सुचारु हुने भएको छ ।
काठमाडौँ-रेसुङ्गा-काठमाडौँ उडानसहित आन्तरिक ७ गन्तव्यहरूमा छिट्टै उडान नियमित गर्ने तयारी रहेको वायु सेवा निगमले जनाएको छ ।
दसैँकै मुखमा टिकट काटेका यात्रुहरूलाई समस्या पर्ने गरी निगमले असोज २५ गते एक सूचना जारी गर्दै निगमको आर.ए. १७७/१७८ उडान नम्बरको काठमाडौँ-रेसुङ्गा-काठमाडौँ, आर.ए.१८७र१८८ नम्बरको काठमाडौँ-दाङ–काठमाडौँ, १३७/१३८ नम्बरको काठमाडौँ-खानि डाँडा-काठमाडौँ, १०९.११० नम्बरको काठमाडौँ-भोजपुर-काठमाडौँ उडान अर्को सूचना जारी नहुँदासम्म स्थगित गरिएको जनाएको थियो ।
यस्तै, निगमको आर.ए.११/११८ उडान नम्बरको काठमाडौँ-फाप्लु-काठमाडौँ, १२९/१३० नम्बरको काठमाडौँ-ताप्लेजुङ-काठमाडौँ र ११३/११४ नम्बर काठमाडौँ-थाम खर्क-काठमाडौँको उडान स्थगन गरेको छ ।
प्रतिक्रिया दिनुहोस्
सम्बन्धित
