काठमाडौँ । लुक्लाबाट काठमाडौँ आउँदै गरेको हेलिकप्टरमा चरा ठोक्किँदा भक्तपुरको साँगामा आकस्मिक अवतरण गरेको छ ।
नेपाल नागरिक उड्डयन प्राधिकरणका सूचना अधिकारी ज्ञानेन्द्र भुलका अनुसार आइतबार बिहान सवा १० बजे हेलि एभेरेष्टको ९ एन-एकेजी हेलिकप्टर लुक्लाबाट काठमाडौँ आउँदै गर्दा चरा ठोक्किएको हाे ।
११ बजेर २ मिनेटमा नलिन्चोक भन्दा एक माइल पूर्वमा चरा सिसामा ठोक्किएको हो ।
चरा ठोक्किएपछि पाइलटले हेलिकप्टर साँगामा आकस्मिक अवतरण गराएका छन् ।
हेलिकप्टरमा विदेशी पाइलट र पाँच जना यात्रु थिए ।
हेलिकप्टरको बाहिरी भागमा केही क्षति पुगेको हुनाले प्राविधिक टोलीले साँगा पुगेर जाँच गर्ने छ ।
‘प्राविधिक टोलीले त्यहाँ पुगेर जाँच गर्छ। यात्रुहरू गाडीबाट फर्काइएका छन्,’ उनले भन ।
प्रतिक्रिया दिनुहोस्
सम्बन्धित
