काठमाडौँ । नयाँ वर्ष सन् २०२५ को अवसरमा यती एयरलाइन्सले आफ्नो योजना सार्वजनिक गरेको छ ।
यती ट्राभल कार्ड अघि सार्दै यती एयरलाइन्सले ‘२५ हजारमा नेपाल भ्रमण’ योजना घोषणा गरेको हो ।
यस योजना अन्तर्गत ग्राहकहरूले एकमुष्ठ २५ हजार रुपैयाँ भुक्तानी गरेर ‘यती ट्राभल कार्ड’ खरिद गरी यसको सदस्यता लिन सक्नेछन् ।
उक्त कार्डमार्फत् सदस्यले यती एयरलाइन्सले उडान भर्ने जुनसुकै गन्तव्यहरूमा ४ महिनाभित्र १० पटकसम्म यात्रा गर्न सकिने यती एयरलाइन्सले जनाएको छ ।
यती एयरलाइन्सले धेरै यात्रा गरिरहने व्यक्तिहरू र कर्पोरेट ग्राहकहरूलाई लक्षित गर्दै सो कार्ड सेवा सञ्चालनमा ल्याएको हो ।
एयरलाइन्सका अनुसार टिकट अन्य व्यक्तिलाई हस्तान्तरण गर्न भने पाइने छैन र नेपाली यात्रुहरूलाई मात्र लागु गरिएको छ ।
उक्त योजनाबारे थप जानकारीका लागि यती एयरलाइन्सको आधिकारिक वेबसाइट मा हेर्न सकिन्छ ।
