बागलुङ । चिसो बढेपछि ढोरपाटन सुनसान भएको छ ।
आन्तरिक तथा बाह्य पर्यटकको रोजाइमा परेको ढोरपाटन पुस पहिलो सातादेखि नै सुनसान बन्दै गएको हो ।
जाडोका कारण स्थानीय बासिन्दासमेत बोबाङ, अधिकारीचौर र निसीखोला झर्ने हुँदा ढोरपाटन सुनसान हुने गर्छ ।
ढोरपाटनमा हिउँ परे घुम्न आउने पर्यटक बढ्ने भए पनि अहिले सुनसान भएको छ ।
ढोरपाटनमा घुम्ती बसाई हुने हुँदा यति बेला धेरै स्थानीय बेँसी झरेका हुन् ।
पर्यटकको आगामन कम भएपछि यहाँ संचालित होटल व्यवसायी पनि फुर्सदिला बनेका छन् ।
मङ्सिरसम्म दैनिक १५० जना पर्यटक घुमफिरका लागि आउने गर्छन् भने, अहिले ३०र४० जना मात्रै आउने गरेका छन् ।
अहिले ढोरपाटन उपत्यकामा मात्रै करिब ४० हाराहारीमा होटल सञ्चालनमा छन् ।
प्रतिक्रिया दिनुहोस्
सम्बन्धित
