काठमाडौँ । थाइ एयर एसियाले भैरहवाको गौतमबुद्ध अन्तर्राष्ट्रिय विमानस्थलबाट गर्ने उडानको भाडा तोकेको छ ।
थाइले भैरहवा विमानस्थलबाट बैंककको लागि गर्ने उडानको भाडा तोकेको हो ।
थाइले एकतर्फी भाडादर १२ हजार ९९० रूपैयाँ तोकेको छ । यो भाडादरमा जनवरी २६ सम्म टिकट बुकिङ गर्न सकिने एयरलाइन्सले जनाएको छ ।
कम्पनीले बुकिङ पिरियड राखेर वेबसाइट तथा समाजिक सञ्जालमा भाडादरमा टिकट बिक्रीका लागि राखेको छ ।
थाइ एयरले गत कात्तिक १८ गतेदेखि भैरहवा विमानस्थलबाट नियमित उडान सुरू गरेको थियो ।
नियमित उडान थाल्ने भएसँगै थाइले सस्तोमा टिकट बिक्री गर्ने लागेको हो ।
यात्रुले फेब्रुअरी ३ देखि मार्च २९ सम्म यात्रा गर्न सक्नेछन् ।
थाइले भिजिबिलिटीका कारण गत मंसिर २ गतेदेखि नियमित उडान रोकेको थियो । अब भने फेब्रुअरीबाट नियमित थाल्ने तयारी गरेको एयरलाइन्सले जनाएको छ ।
प्रतिक्रिया दिनुहोस्
सम्बन्धित
