काठमाडौँ । शरद ऋतुमा हिमाल आरोहणका लागि १२८५ जनाले अनुमति लिएका छन् ।
पर्यटन विभागका अनुसार कात्तिक ८ (अक्टोबर २५) सम्ममा स्वदेशी तथा विदेशी गरी ९४८ जना पुरुष र २३७ जना महिलाले आरोहण अनुमति लिएका हुन् ।
यो सिजनका लागि हालसम्म आमादब्लम हिमाल चढ्न सबैभन्दा धेरैले अनुमति लिएका हुन् । विभागकाअनुसार आमादब्लमका लागि ३३९ जना पुरुष र ७० जना महिला गरी ४०१ जनाले अनुमति लिएका हुन् । त्यसै गरी, मनास्लुका लागि ३०१, हिमलुङ्गका लागि १२५ जनाले अनुमति लिए ।
पर्यटन विभागबाट अहिलेसम्म ७२ देशका आरोहीले विभिन्न ४९ हिमाल आरोहणका लागि अनुमति लिएका हुन्। जसबाट ६ करोड ९१ लाख रुपैयाँ राजस्व संकलन गरेको छ ।
प्रतिक्रिया दिनुहोस्
सम्बन्धित
