काठमाडौँ । नेपाल क्रिकेट संघ (क्यान) नेपाल प्रिमियर लिग (एनपीएल) दोस्रो सीजनको टिकट मूल्य सार्वजनिक गरेको छ ।
कीर्तिपुरस्थित त्रिवि क्रिकेट रंगशालामा मंसिर १ गतेदेखि २७ गतेसम्म हुने एनपिएल हेर्नका लागि ५ सय देखि २ हजारसम्मको टिकेट रहेकोक्यानले सार्वजनिक गरेको छ । दर्शकहरुले ५ सय देखि २ हजारसम्मको टिकेट काट्नु पर्ने छ ।
उदघाटन र शनिबारको खेलको टिकट मूल्य साधारणतर्फ ५ सय, प्रिमियम टिकटको मूल्य १५ सय रुपैयाँ तोकिएको छ । अन्य दिनको समूह चरणको खेलको टिकट मूल्य साधारणतर्फ ५ सय र प्रिमियमतर्फ १ हजार रुपैयाँ तोकिएको छ । प्लेअफ र फाइनलको साधारणतर्फ १ हजार र प्रिमियमतर्फ २ हजार रुपैयाँ टिकट रहेको छ ।
सिजनभरको पास किन्न चाहनेले १५ हजार रुपैयाँ तिर्नुपर्ने हुन्छ ।
पहिलो चरणमा पहिलो ६ दिनको खेलका लागि टिकट बिक्री खुल्ला गरिएको क्यानले जनाएको छ । टिकट खल्ती आईएमई एपबाट काट्न सकिने छ ।
मंसिर १ गते हुने उद्घाटन खेल दिउँसो ४ बजे सुरु हुनेछ र साबिक विजेता जनकपुर बोल्ट्सले काठमान्डु गोर्खाजविरुद्ध खेल्नेछ ।
