काठमाडौँ । सिन्धुली घ्याङलेखमा नेपाल एसबिआई बैंकको शाखामा लुटपाट भएको छ ।
मंगलबार राति साढे ७ बजेतिर सिन्धुलीको घ्याङलेख गाउँपालिका वडा नम्बर ५ मा रहेको एसबिआई शाखा बैंकमा लुटपाट भएको हो ।
बैंक लुटपाटमा संलग्न एक जना व्यक्ति गाडिसहित पक्राउ समेत परेका छन् ।
जिल्ला प्रहरी कार्यालयका एसपी लालध्वज सुवेदीका अनुसार लुटपाटपछि अहिले प्रहरी सक्रिय भएको र अनुसन्धान प्रक्रिया अघि बढेको छ ।
६/७ जना व्यक्ति नकाब लगाएर बैंक पुगेर बैंक लुटपाट गरेका थिए ।
बैंक लुटपाटमा संलग्न नकाबधारीहरू चढेर गएको गाडी र त्यसका चालकलाई नियन्त्रणमा लिएको प्रहरीले जनाएको छ ।
स्थानीयका अनुसार भने नकाबधारीहरू छिरेर त्यहाँ रहेका सेक्युरिटी गार्डलाई हिर्काएर कर्मचारी नियन्त्रण लिएर पैसा लुटेर भागेका थिए ।
उनीहरुको कुटपिटबाट घाइते सेक्युरिटी गार्डको भने गाउँपालिकाको स्वास्थ्य चौकीमा उपचार भइरहेको छ ।
थप खोजी भइरहेको प्रहरीले जनाएको छ ।
