काठमाडौँ । मन्थली विमानस्थलका प्रमुख अशोक थापालाई निलम्बन भएका छन् ।
नागरिक उड्डयन प्राधिकरणले शुक्रबार विमानस्थल परिसरमा तारा एयरका दुई पाइलटबीच भएको विवादको छानबिन गर्नका लागि विमानस्थल प्रमुखलाई निलम्बन गरेको हो ।
प्राधिकरणले विमानस्थलमै झगडा गर्ने पाइलटहरू सन्तोष शाह र सञ्जीव श्रेष्ठको लाइसेन्स निलम्बन गरिसकेको छ ।
राष्ट्रिय उड्डयन सुरक्षा उल्लंघन गरेको भन्दै तत्कालका लागि पाइलटहरूलाई उडानमा रोक लगाइएको छ । मन्थली विमानस्थलमा शुक्रबार बिहान जहाज अवतरण गरेपछि दुई पाइलटबीच झगडा भएको थियो ।
प्रतिक्रिया दिनुहोस्
सम्बन्धित
