काठमाडौँ । नेपाल आयल निगमले डिजल र मट्टीतेलको मूल्य बढाएको छ ।
आयल निगमको सञ्चालक समितिको शनिवार बसेको बैठकले डिजल र मट्टीतेलको मुल्य बढाउने निर्णय गरेको हो ।
निगमले डिजेल र मट्टीतेलमा प्रतिलिटर तीन रुपैयाँको दरले मूल्य बढाएको छ ।
नयाँ मूल्य आज मध्यरात १२ बजेदेखि लागू हुने निगमले जनाएको छ । निगमका अनुसार पेट्रोल र खाना पकाउने ग्याँसको मूल्यमा भने हेरफेर गरिएको छैन ।
निगमले चारआली, विराटनगर, जनकपुर, अमलेखगञ्ज, भलबारी, नेपालगन्ज, धनगढी र नेपालगन्ज डिपोलाई पहिलो वर्ग, सुर्खेत र दाङ डिपोलाई दोस्रो वर्ग र काठमाडौं, पोखरा र दिपायल डिपोलाई तेस्रो वर्गमा राखेको छ ।
प्रतिक्रिया दिनुहोस्
सम्बन्धित
