काठमाडौँ । वर्दीमा रहेका प्रहरीमाथि हातपात गर्ने एकजना युवा पक्राउ परेका छन् ।
शिवरात्रिका दिन पशुपतिनाथ मन्दिर परिसरमा वर्दिमा रहेका प्रहरीलाई एक जना युवाले प्रहरीलाई मुक्का हानेको भिडियो केहिदिन यतादेखी सामाजिक संजालमा भाइरल भइरहेको थियो ।
सुरक्षा प्रदान गरिरहेका प्रहरीमाथि जाइलाग्दै कुटपिटमा उत्रिएका युवालाई प्रहरीले त्यति बेला नै पक्राउ गर्ने प्रयास गरे पनि भीडभाडका कारण ति युवालाई पक्राउ गर्न सकेको थिएन् ।
मंगलबार प्रहरीले सामाजिक सञ्जालमार्फत प्रहरीमाथि जाइलाग्ने युवाको खोजीमा सूचना नै जारी गरेको थियो ।
मकवानपुर ठुलदमार स्थायी घर भई हाल काठमाडौँ महानगरपालिका–१३ चागल बस्ने रिजन श्रेष्ठ स्वयम्भुबाट पक्राउ परेको प्रहरीले जनाएको छ ।
प्रतिक्रिया दिनुहोस्
सम्बन्धित
