काठमाडौँ । अहिले इरान र अमेरिकाबिच भिषण युद्द भइरहेको छ । विभिन्न देशमा जानका लागि त्रिभुवन अन्तर्राष्ट्रिय विमानस्थल आएकाहरु फर्किएका छन् ।
अहिले विभिन्न देशहरुले आफ्नो विमानस्थल बन्द गरेका कारण विदेश जान भनि त्रिभुवन अन्तर्राष्ट्रिय विमानस्थल आएकाहरु अहिले घर फर्किएका हुन् ।
शनिबारदेखि चलेको युद्दका कारण नेपालबाट युएई, कतार, कुवेत लगायतका देशहरू जाने विमान रद्द भएका छन् । सो देशमा जाने विमानहरु रद्द भएपछि त्रिभुवन विमानस्थलमा यात्रुहरूको भिड लागेको थियो ।
उडान रद्द भएपछि यात्रुुहरु पुनः घर फर्किएका छन् । खाडी मुलुक बाहेक अन्य मुलुक जाने यात्रुहरू भने विमानस्थल प्रवेश गरेका छन् ।
साउदीको दमाम र रियाध, युएईको दुबई, शारजाह र आबुधाबीका लागि तय उडान रद्द भएको नेपाल नागरिक उड्डयन प्राधिकरण जनाएको छ । प्राधिकरणले अर्को सूचना जारी नगरेसम्मका लागि उडान स्थगित भएको जनाएको छ ।
खाडि मुलुक जाने यात्रुहरु सुचना पढेर फर्किएका छन् । विश्वकै व्यस्त मानिने दुबई अन्तर्राष्ट्रिय विमानस्थलमा इरानले ड्रोन हमला गर्दा विमानस्थलमा क्षति भएपछि अहिले विमानस्थल बन्द भएको छ ।
