काठमाडौँ । सुर्खेत एयरपोर्टमा अवतरण गर्ने क्रममा श्री एयरलाइन्सको जहाजकाे टायर पड्किएको छ ।
दिउँसो सवा ३ बजे काठमाडौँबाट सुर्खेतका लागि उडेकाे उक्त विमानकाे टायर पढ्किएकाे हाे ।
उडान नम्बर नाइनएन-एओएल कल साइन भएको जहाजले ३:५० बजे सुर्खेत विमानस्थलमा अवतरण गर्ने क्रममा जहाजको पछाडिको बायाँतर्फ बाहिरी टायर घर्षणका कारण पड्किएको सुर्खेत प्रहरीले जनाएको छ ।
टायर पड्किए पनि जहाज सुरक्षित रूपमा अवतरण गरिएको र सबै यात्रु तथा चालकदल सकुशल छन् ।
जहाजको आवश्यक प्राविधिक जाँच तथा मर्मतपछि मात्र पुनः उडान सञ्चालन गरिने विमानस्थलले जनाएको छ ।
प्रतिक्रिया दिनुहोस्
सम्बन्धित
