काठमाडौँ । काठमाडौँ विमानस्थलबाट ४९ वटा हेलिकोप्टरले उद्धार उडान गरेका छन् । जसमध्ये ३६ वटाले काठमाडौँका लागि गरेका हुन् ।
बुधबार साँझसम्म निजी तथा सरकारी हेलिकोप्टरले टिमुरे, धुन्चे, स्याफ्रुबेसी, मैलुङ, त्रिशूली र धादिङ क्षेत्रमा उद्धार तथा राहतका लागि उडान गरेको काठमाडौँ विमानस्थलस्थित आरसीसी कार्यालय जानकारी दिएको छ ।
रसुवाको बाढी प्रभावित क्षेत्रमा उद्धार तथा राहतका लागि हेलिकोप्टरहरूले त्यही स्थानमा दर्जनौं पटक सटल उडानसमेत गरेका छन् ।
आरसीसी कार्यालयका अनुसार उद्धारका क्रममा काठमाडौँ ल्याइएका बिरामी तथा घाइतेको संख्या अझै खुलेको छैन् ।
नेपाली सेनाका ९ वटा हेलिकोप्टरसहित उद्धार तथा राहतमा फिस्टेल, अन्नपूर्ण, हेलि एभरेस्ट, अल्टिच्युड, कैलाश, प्रभु र एयर डाइनेस्टी, सिम्रिकलगायतका निजी हेलिकोप्टरहरु परिचालन भएका छन् ।
प्रतिक्रिया दिनुहोस्
सम्बन्धित
