डोटी । सुदूरपश्चिम प्रदेश अन्तर्गत डोटी, अछाम, बझाङ र बाजुरा जिल्लाको संगमस्थलमा रहेको खप्तड राष्ट्रिय निकुञ्ज सुन्दर, मनोरम प्राकृतिक भू–दृश्य, वन जङ्गल, वन्यजन्तुहरहेको वासस्थान अति सुन्दर रहेको छ ।
खप्तड राष्ट्रिय निकुञ्जमा सल्ला, खसुर र निगालो जातका जगंलहरूका साथै वन्यजन्तुका लागि उपयुक्त घाँसे मैदान पनि रहेका छन् । त्यहाँ रतुवा मृग, कस्तुरी मृग, घोरल, चितुवा, जङ्गली कुकुर, जङ्गली बिरालो, रातो बाँदर, लङ्गुर बाँदरका साथै डाँफे, मुनाल जस्ता सुन्दर चराचुरुङ्गीहरू रहने गर्दछन् भने २३ प्रजातिका वन्यजन्तु र २८७ प्रजातिका पंक्षीहरु रहनुका साथै पाँच औले,सतुवा, शिलाजित, पदम चाल, कुरिलो, वन लसुन, चिराइतो, चुत्रो, दाल चिनी, टिमुर लगायतका जडीबुटीहरू पनि पाइने गर्दछ ।
खप्तड राष्ट्रिय निकुञ्ज धार्मिक दृष्टिकोणले पनि निकै महत्त्वपूर्ण छ । त्रिवेणी, खप्तड दह, सहस्र लिङ्ग आदि स्थानहरू हिन्दु धर्मावलम्बीहरूका पावन तीर्थस्थलहरू पनि यसै क्षेत्रमा रहेका छन् ।
